قال رئيس التيّار الوطني الحر جبران باسيل:"نحنا 14 آذار الحقيقيّين" لأنّ على الحرية والسيادة والاستقلال ثابتين، هم 14 آذار المزيفين لأنّ لديهم الحرية والسيادة والاستقلال عناوين. نحن بقينا لليوم بالذكرى محتفلين، وهم اليوم وغدًا عن الذكرى غايبين.
وأضاف باسيل: "نحن أصلاً القرار الوطني الحر بعدها أصبحنا التيّار الوطني الحرّ. نحن هيك بدأنا. أتى رئيسنا من قلب الدولة، من قلب الجيش ومن خارج الميليشيات، أتى من قلب القرار الوطني ومن خارج القرار الخارجي ليعبّر عن قرار اللّبنانيّين بإستقلال وطنهم. وقفت ضدّه دول العالم لحتّى زاحته بالـ 90!".
وتابع باسيل: "السنة بالـ 2025، أتوا جميعهم، قناصل وموفدين ومندوبين، صدّروا القرار الخارجي، "كلّهن يعني كلّهن" انصاعوا ونحن بقينا واقفين. جنرال، أنا لي الفخر أنّني عملت بالـ 2025 مثلما عملت سابقًا بالـ 88: أنت قلت لا لإتفاق مورفي – الأسد وأنا والتيّار قلنا لا لإتفاق الخماسية. وقلنا نحنا منختار رئيسنا".
وأكّد أنّ "السنة عنّا انتخابات، رح نكون فيها مجدداً القرار الوطني الحرّ، نخوض تحالفاتنا الإنتخابيّة بحسب مصالحنا "وشو بيملي علينا فكرنا وعقلنا"، معتبراً أنّ "هذه الإنتخابات مرّة جديدة مصيريّة ومثلما كانوا يريدون أن يقضوا علينا بـ 05، و 09 والـ 18 والـ 22، سيحاولون أن يقضوا علينا بالـ 2026 ولن لن يستطيعوا".
وشدّد باسيل على أنّه "سنكون بنفس النهج الإيجابيّ "قتلنا حالنا مثلاً لنجيب الكهربا منعونا وحمّلونا المسؤولية هالمرّة هم رح يحملوا المسؤولية إذا صار تخريب، مش نحنا".
